Rektori i UST-së Prof.Dr. Agron KASA së bashku me Zv/Rektorin për anën shkencore Prof.Asc.Dr. Fisnik BROVINA morën pjesë në Konferencën e 8-të Ndërkombëtare të Konsorciumit Universitaria “Edukimi për Shëndetin dhe Performancën” që u organizua në Cluj-Napoca, Rumani, në datat 21 – 22 tetor 2022.
Rektori KASA, si i ftuar special dhe anëtar i Bordit Shkencor të kësaj konference bëri prezantimin e një studimi shkencor për të cilin shfaqën shumë interes studiues të shquar e pjesëmarrës në konferencë. Në këtë seancë plenare ku Prof.Kasa referoi, ishin të ftuar të prezantonin punimet e tyre personalitetet më të shquara europiane të fushës si Prof. Renato MANNO etj.
Pjesëmarrja në këtë konferencë ishte një mundësi shumë e mirë për të vendosur një urë bashkëpunimi në kuadër të proçesit të ndërkombëtarizimit si në sferën akademike dhe në atë të kërkimit shkencor.
